Balochistan Urdu News



World latest News

جیمز بانڈ: ڈینیئل کریگ کو ایک منٹ کا ساڑھے تین لاکھ پاؤنڈ کا معاوضہ


29/05/18   بی بی سی
جیمز بانڈ سیریز کی 25 ویں فلم کے مرکزی کردار کے لیے مہینوں کی قیاس آرائیوں کے بعد ڈینیئل کریگ کا نام ظاہر کر دیا گيا ہے۔
لیکن کیا آپ اندازہ لگا سکتے ہیں کہ برطانوی اداکار ڈینیئل کریگ کو ان کی بانڈ سیریز کی پانچویں اور آخری فلم کے لیے کتنی رقم ملے گی؟
برطانوی اخبار 'مرر' میں شائع ایک خبر کے مطابق انھیں اس نئی فلم کے لیے پانچ کروڑ پاؤنڈ کی خطیر رقم دی جائے گی اور اس کے علاوہ ان کے پیکیج میں ایگزیکٹو فلمساز کا کریڈٹ، انڈورسمنٹ اور منافع میں حصہ بھی شامل ہے۔
اطلاعات کے مطابق یہ فلم دو گھنٹے 20 منٹ دورانیے کی ہوگی اور اس طرح ہر منٹ کے لیے 50 سالہ اداکار کو تین لاکھ 57 ہزار پاؤنڈ ملیں گے۔
اس سے قبل انھیں ان کی آخری بانڈ فلم 'سپیکٹر' کے لیے مبینہ طور پر تین کروڑ 70 لاکھ پاؤنڈ دی گئی تھی۔
اگر کریگ کو پانچ کروڑ پاؤنڈ کی رقم ملتی ہے تو وہ دنیا کے مہنگے ترین اداکاروں میں شامل ہو جائیں گے۔
ان کے مقابل میں بانڈ فلموں کے اداکاروں میں جارج لیزنبائی کو انڈین نیوز ایجنسی پی ٹی آئی کے مطابق ایک فلم کے لیے 72 ہزار پاؤنڈ ملے تھے جبکہ راجر مور کو ساتھ فلموں میں معروف روایتی جاسوس کا کردار ادا کرنے کے لیے ایک کروڑ 70 لاکھ پاؤنڈ ملے تھے۔
ان کے علاوہ ٹیموتھی ڈالٹن کو دو فلموں کے لیے 40 لاکھ پاؤنڈ جکہ ڈینیل سے قبل بانڈ کا کردار ادا کرنے والے پیئرس بروسنن کو چار فلموں میں اداکاری کے لیے ایک کروڑ 30 لاکھ پاؤنڈ ملے تھے۔
اس سے قبل اداکار ڈینیل کریگ نے کہا تھا کہ وہ پھر سے بانڈ کا کردار ادا کرنے کے بجائے 'اپنی کلائی کاٹ لینا پسند کریں گے' تاہم مسلسل انکار کے بعد انھوں نے بانڈ سیریز کی 25 ویں فلم میں واپسی کے لیے ہامی بھر لی۔
یہ فلم معروف ایم آئی 6 کے ایجنٹ پر مبنی ہے۔ جیمز بانڈ کے ٹویٹ کے مطابق اکیڈمی ایوارڈ سے سرفراز ہدایت کار ڈینی بائل اس کی ہدایت کریں گے۔ ڈینی بائل کو 'سلم ڈاگ ملنيئر' کے لیے بہترین ہدایت کار کا آسکر ایوارڈ مل چکا ہے۔
یہ فلم جان ہوج کے اصل سکرین پلے پر مبنی ہے اور اس فلم کی شوٹنگ رواں سال تین دسمبر سے مجوزہ ہے جبکہ اس کی نمائش سنہ 2019 کے نومبر میں متوقع ہے۔
امریکی میڈیا کمپنی ایم جی ایم اور یونیورسل پکچرز اس کے بین الاقوامی ڈسٹریبوٹر ہوں گے۔ ابھی فلم کی ہیروئن کے نام کا اعلان نہیں کیا گيا ہے۔
خیال رہے کہ جیمز بانڈ کا کردار ایان فلیمنگ کے ذہن کی اپج تھی اور انھوں نے بانڈ سیریز کی 12 ناول کے علاوہ متعدد شارٹ سٹوریز لکھی تھی۔ گذشتہ روز ان 28 مئی ان کا یوم پیدائش تھا۔

Back





World Latest News Updates, Balochistan News, Get the latest World News: international news, features and analysis from Balochistan, the Asia-Pacific, Europe, Latin America, the Middle East, South Asia, and the United States and Canada.