Balochistan Urdu News



World latest News

اٹامک انرجی کمیشن کی بس پر حملہ، دو افراد ہلاک


04/05/18   بی بی سی
پاکستان کے صوبہ پنجاب کے ضلع اٹک میں اٹامک انرجی کمیشن کی بس پر ہونے والے حملے میں دو افراد ہلاک ہو گئے ہیں جبکہ 16 افراد زخمی ہیں۔
متعلقہ تھانے کے ایس ایچ او نے عابد منیر نے بی بی سی کو بتایا کہ شام ساڑھے چار بجے اٹامک انرجی کمیشن کی کوسٹر دوگامہ کے مقام پر پہنچی تو خود کش حملہ آور نے حملہ کر دیا۔
’دو افراد ہلاک ہوئے ہیں۔ جن میں ایک راہگیر اور اٹامک انرجی کا ایک اہلکار شامل ہے۔‘
بی بی سی سے گفتگو کرتے ہوئے اٹک میں ایمرجنسی سروس 1122 کے ایک اہلکار نے بتایا کہ ہلاک اور زخمی ہونے والے افراد کی تعداد کی تصدیق تو نہیں کی جا سکتی۔ تاہم انھوں نے ہسپتال میں چند لاشیں بھی منتقل کیں اور شدید زخمیوں کو اٹک سے راولپنڈی منتقل کیا گیا ہے۔
1122 کے مطابق امدادی کارروائی مکمل ہو گئی ہے اور زخمیوں میں خواتین بھی شامل ہیں۔

Back





World Latest News Updates, Balochistan News, Get the latest World News: international news, features and analysis from Balochistan, the Asia-Pacific, Europe, Latin America, the Middle East, South Asia, and the United States and Canada.